IT 之悲劇：IT 人的命運

IT 人做到狗咁….
圖片由 卜先生提供

呢個故事，並冇高登仔所謂「加甜」…你都明，十個九個IT佬都係毒撚 ( 除左一個係女人 )，頂多中間講下睇AV 打JJ…… 呢個故事，並冇賺人熱淚元素……你亦都明，IT 人連表達感情都有問題，又點會令你流到淚。而呢個故事主人唔係金庸筆下連城訣，未至於咁慘，也冇必要流淚。

呢個故事，並冇好似少年PI 咁令你好多思考，令你知人生可以係點。你都明，IT 人抱住心態係有INPUT -> PROCESS -> OUTPUT 呢D LOGIC好單一，唔會令你諗幾樣野。 如果希望有上面講0既元素，都係出番出睇其他文好過……

咁你會話，咁呢篇野想表達乜意思

其實呢，人生過左三分一世紀，都係要做番D 善事。呢家就勸大家小心選擇行業，要入IT 行業請三思。除非你係勁有興趣係呢一行，你起碼要覺得自己係Bill Gate 、Steve Job，咁或者係呢行生存到。唔係0既話，只會陷入越來越頽O既深淵……

首先，先介定下咩叫「撈IT」先啦

IT 呢一行，真係闊過AV 女優個西。但係希望大家行外人真係唔好將高登黃金個D ，或者你樓下砌機整機佬講成IT 人。點解 ? 因為當你同個IT 討論，而佢知你咁諗，佢地就會同你拗，話砌機整機佬只係普通維修佬，好似電視機維修員咁，侮辱左佢地咁profession 的職業。呢D 講法係長久以來傷害左IT 人O既自尊心，姐係講到好似傷害中國民族感情咁。所以以免起爭執，大家千祈唔好話砌機整機佬係IT 人。(雖然好多IT 人地位人工都低過維修員、例如我知好多中小企IT 兄弟仲要換水、換光管，甚至幫老細整車，仲慘過做Boy。)

(有人又同我講，話「謝霆X個間咪IT 野囉，人地三十就咁勁啦」。但我會覺得呢類企業都至多係軟件應用，其實佢係現MEDIA / 設計野。希望唔好拉埋黎講好啦。)

我諗好多外行人都唔多明，咁IT 呢行係香港包乜呢

我就打個比喻，好似一間食肆咁。有前面姿客、待應，中間可能有專做帶位、叫菜、執枱、傳菜待應。後面有廚師。廚師可能又分好多隻，好似燒味，點心，熟食，冷盤。最後又有清潔，洗厠所洗碗拖地。

而IT 呢行，presales, sales 可能等於姿客、待應，project manager / planner 可能就係待應落單，廚師可以等於progammer, engineer ，清潔個D 可能係operator / back end support 。但我同你講，而家IT 好多時一個位已經要做晒姿客、待應、廚師、清潔。而老子係呢D 位都做過晒。

咁當然，一間專做IT 服務O既公司可能先會請咁多人。好似DXLL 咁，賣機俾你要有人CALL 客，IXM 咁賣服務要BID 生意。

但好似銀行，佢地唔會要待應，因為對內佢地要O既係出面TELLER 之類，而唔係IT SALES。佢地要O既係湊到佢後面個D 服務，例如ebanking 個D。而軟件(software)、作業系統(OS / system)、網絡(network)都要請人SUPPORT。當然IT 呢D 位好多時都變晒外判俾賣服務個D 公司好似IXM, AXL 咁，銀行通常炒左好少請番。而我做過多數係system 個邊。

至於我點解入IT 呢行，因為當年讀IT 囉。

至於點解我讀IT唔讀醫，因為讀唔成書囉。

呢個就係條命生成。命運要你讀書唔成做IT，一世IT一世毒撚一世伍姑娘……
IT 之悲劇：IT 人的命運
IT 之悲劇 – 沒有節日的 IT 人
IT 之悲劇 – 年少傻豬
IT 之悲劇 – 第三章 – 「初出茅廬」(1)
IT 之悲劇 – 第三章 – 「初出茅廬」(2)
IT 之悲劇 – 第四篇 – 「雞工年代」(1)
IT 之悲劇 – 第四篇 – 「雞工年代」(2)
IT 之悲劇 – 第五篇 – 「窮忙都市」(1)
IT 之悲劇 – 第五篇 – 「窮忙都市」(2)
IT 之悲劇 – 第五篇 – 「窮忙都市」(3)
IT 之悲劇 – 第五篇 – 「窮忙都市」(4)
IT 之悲劇 – 第六篇 –「人生需要 init 6」(1)
IT 之悲劇 – 第六篇 –「人生需要 init 6」(2)
IT 之悲劇 – 第六篇 －「人生需要 init 6」(3)