IT 之悲劇 – 第六篇「人生需要 init 6」(3)
而阿文都帶我去Linux section度，得十幾台，佢望兩望……..
阿文﹕「車，你個幾部機都未到，仲係吉位黎嘅……哈哈……你睇下你d 同事做野幾慢……」
阿文搖搖頭，跟手去左一堆舊機度，佢指一指其中部座地式server「嗱，你用住呢部先啦，不過好舊，唔知裝唔裝到新version os啦。」
阿文跟手插番電同cat 5 cable，佢又知邊個port 用得果下幾奇。
等住部機著個時，佢講番呢部係rs6000個d機，power 4 , 5 嘅前身。
睇番開機後個IP ，抄番低俾我跟住就話。「呢部係我之前試落d 舊機黎嘅，呢度係個IP同密碼。你鍾意就試裝新version啦，不過我怕你裝唔到，都係試住呢家裝左個version先好d 啦」
阿文講完就再帶我繞場一周，每part 解釋下，例如放乜機咁。
又講下operator 做d 乜，有乜唔會肯做，呢D 規矩都要知下吧。
之後我地番上去，我可以坐定定練番document 見到d AIX command，終於唔使悶住過。
如是者玩下玩下好多日，管理下unix野算係有番d認識，例如睇下connection、睇下機有冇事、睇下log咁。但如果叫我起個AIX場，又另一回事了，要知道成個架構、有乜package、setup咁，我明白都要跟過project先知。
某日 ……. 應該係過左十幾日到，突然有個同事走黎我partition，回頭睇睇，竟然係女黎!
唔好意思，除左Windows阿頭同DB肥婆，黎左咁耐都唔係好發現有女同事!
但佢個樣，唔好意思要講句，成個蘭茜咁!!!!!!
佢突然對我淫笑，然後同阿文講。
(蘭茜)﹕「咦，新同事喎，嘻嘻，冇人同我介紹嘅?」
阿文﹕「頂，你放左成個星期，梗係啦!!!! ….. 係喎，佢都係一樣contract 黎，你地係咪同agent公司呀?」
(蘭茜)﹕「嘻，你好，我係cherry 呀! Windows team 呀。」
佢個樣成日係咁淫笑，唔知想點，簡單d 講有點被視姦感覺。
雖然佢睇樣都係後生，似出黎做野兩三年同我咁大，但見到佢哨牙樣係有d 辛苦，我承認對樣衰嘅人係有歧視。要形容佢，就只有蘭茜最貼切!
我﹕「呀，我叫Jackie 呀。」
同佢握手個時佢都繼續淫笑，唔…….對手都仲算滑，同佢老細咁同一level。
Cherry﹕「咦，你係咪又係it expertist 呢間agent 呀。」
我﹕「呀，唔係呀，叫咩Techncial consult 呀。」
IT agent 公司d 名黎黎去去都係咁，乜鬼it 乜鬼advise乜鬼 consult 咁。
大佬，俾少少創意啦!
阿文﹕「Cherry 係我地管理二組 hea之女王黎架。佢黎左半年都未有野做架！ 哈哈……」
我﹕「下！！！」
Cherry﹕「頂你，我想架，我都想有野做架，佢地都唔俾人做。」
我﹕「下！點解呢！！！」
Cherry﹕「哈哈，第一日識你咋，唔講咁多啦，遲下你咪知點解冇野做囉。」
阿文﹕「點呀，你走過黎，又黎搞我，岩岩恰著下又搞我。」
Cherry﹕「我幫阿芬問下部機個條queue ready未呀，佢放假我搞番嘛。」
阿文﹕「搞完啦，你唔曉connect咋傻婆。」
跟住佢地你一句我一句討論呢ｄ野，乜ｑ……我都唔知乜黎。
到最尾，Cherry﹕ 臨走開時問我。
Cherry﹕「喂，你今日同唔同我地contractor食飯呀，出下去唔好留係 Canteen 啦，ｄ野難食過屎呀！都唔明你食到咁多日。」
我見到佢個樣，真係想講唔去，但見下其他 contract 同事，第二時有事或叫佢地介紹份工，咁都易 d。
我﹕「好呀，一齊呀。」
Cherry﹕「咁好啦，一陣過黎搵你一齊出去啦。」
呢下先為意，Cherry 著左件白裇衫加黑裙，皮膚都幾白，身矮但身形都幾合比例。
係後面睇真係以為係索女黎！
阿文﹕「你仲乜呆望左佢呀，岩你呀？哈哈……」
我﹕「咩呀，好眼訓呀……」
睇呀睇，睇呀睇……我講緊係Document，好難先睇到食晏時間。
十二點啦，Cherry 遠遠咁叫我一聲，再召我埋去。
我見到佢地五個人，Cherry係頭帶住，真係有ｄ女王feel！
我地一齊行，去到某橦工廠大廈樓上搵食。
叫碟頭飯食，終於唔使排監獄式買飯。
Cherry﹕「Jackie 點呀，係咪悶到想死啦，哈哈。」
我﹕「都唔係嘅，哈哈，睇下書囉。」
Cherry﹕「咁呀，Keep 住落去囉，半年之後好似我咁，哈哈……係喎，介紹下呢四件野先……」
跟住Cherry 逐一介紹。
第一個係大隻佬 DB team，叫阿man，佢真係好 man都應該有180 cm仲要大隻，樣就冇乜特徵，單眼皮，原來咁大隻因為玩開健身，有 d 似近期健身 video 個韓國佬。
第二個Steve 都係DB team，肥肥矮矮，成個何俊仁咁，之後發現佢都好淫，成日講咸野。
第三個 Sam係windows team，中等身形偏瘦，個樣好呆，木木獨獨咁，之後覺得佢好少野講。
第四個 Gary 係我地 Unix 嘅，中等身形，冇乜特別，之後成日發現佢鐘意玩車，渣 civic 仔又改乜改物，以為挑得到法拉利個種人。
咁的確幾好，大家唔同位置交流下，可以知將來去邊個方向發展好。
Cherry﹕「你係 Unix team 可能好 D 嘅，我地windows team 老細唔會放D乜野俾我地做架 ！」
我﹕「下，點解呀！」
Cherry﹕「因為呢間公司唔會俾 D production 野俾你地 contractor 做架。」
Gary ﹕「我地Unix team 好d囉，我黎左三個月都叫跟緊一個project。」
Sam ﹕「咁係因為windows team上次爆過獲，話係contractor 搞到咁喎，所以我地team 就至多都係俾 testing 個D enviornment 我地試同做囉。」
我﹕「下，咁架？」
Cherry﹕「所以我係咁搵工呀，或者等約完搵啦。」
估唔到我因為太忙而轉工，而有人就因為太hea 想轉工。
我諗我都係仲係鐘意hea 先，我要補番我中小企失去嘅時間。
Cherry﹕「到你過多兩三個月頂唔順就會好似我地咁諗快ｄ走架啦，學唔到野又晒時間。」
Gary ﹕「你之前做乜架先，你覺得學到新野就唔好諗走住啦。」
我一五一十講番我oper 經歷、中小企幾辛苦幾煩o既野俾佢地聽。
Gary 聽完之後…「哈哈，咁你姐係岩岩出黎做野咋喎！」
我﹕「下，岩岩出黎做野咁誇？」
gary﹕「咁你係未接觸過一d 正規大型IT 野喎，冇計架喎。你知唔知好多人一開始係IBM，HSBC 度做? 你慢左三年幾啦。」
我﹕「……」
Gary﹕「不過你都係一年contract ﹐學識就走啦。」
Cherry﹕「gary 哥都係hea 做咋呢度，佢平時炒股票賺咁多。嘻嘻……」
Gary﹕「咪講笑啦 …… 其實呢度俾你練習好機會，你下份工搵個時，你可以話自己做過production嘛。冇人會話你呃佢架喎。」
Gary 講野不無道理，講真之後我識d 人做IT 又話曉乜曉物，其實多數老吹，問多兩問又縮晒。
之後我地講番以前做過乜咁，原來佢地好多都直入大公司做trainee ，一開始都萬三四。
而我，又真係晒左三年幾係度玩oper同中小企呢d 雞工。
過左兩個星期，終於有電腦、有email 了。
但我都仲係好悶，email 可以一個星期得四個…..
某日下午，阿文又同阿松吹水。
阿松﹕「頂你知唔知呀，公司又話買IBM機。」
阿文﹕「頂，佢地D機就係咁買，我地人工就加丁咁多。」
而我係阿文後面，我又埋去八下。
阿文﹕「嗱，Jackie ，做IT support 邊有前途架，你識幾多都搵咁少，都係呢d 位架啦。做個IT sales 就唔同啦，幫IBM買機，一野都千幾萬，抽佣5 % 都成五十粒呀。」
阿松﹕「咪係，對上個個sales ，我地買左成場IBM ，佢已經去到環遊世界啦。」
我﹕「下，咁把閉?」
阿文﹕「頂，你諗下個場幾千萬以上，d佣幾勁呀。」
阿松﹕「嘻，不過咁岩線姐，本來佢之前仲有個sales 跟嘅，點知跟跟下唔跟。因為佢覺得我地唔幫手買呀嘛，講左兩三年啦，佢咪唔再跟囉。點知俾個靚仔做左一兩年嘅接手，我地公司咁岩分析完又話買，結果俾佢”lam” 晒，幾和味呀。」
阿文﹕「呢d 真係時來運轉，冇計喎，佢都唔知會買，真係中六合彩咁。」
我﹕「嘩，IT sales 咁好搵?」
阿文﹕「頂，等於你賣樓d agent 咋嘛。一野發到市咪勁囉。所以呢，你想發達呀，做sales好過打牛工啦。」
阿松﹕「你都可以試下架Jackie，你講野都叫幾得，哈哈。」
雖然阿松好似笑笑下咁講，但又覺得不無道理。
做IT support 可以做到幾多年呢，唔通成日on call 到老? 唔通成日做裝機起software?
我前老細成日話轉行，心諗我其實都可以向呢個方向發展。
估唔到呢幾句話，令我下份工突然脫離左一陣technical 嘅影子。
不過留待日後才講了。
每天悶悶下，終於過左兩個月……
阿華走過黎同我講，新機已拉好線，上晒Rack。
心諗，終於等到有野做了。
阿華拎住兩隻碟，帶我落去Data center，慢慢裝左半日到已經搞好。
原來隻碟一set 過連埋software，所以都唔使煩，一野install 晒。
set 番IP 就上番去。
阿華﹕「其實我地申請晒d network 野，填左個幾月form 先咁順利咋!」
唉，已經聽到煩，乜都要申請定，其實set個port用得使唔使成個月呀，定係班友勁hea 做?
番到上去阿華講番呢個project有乜programmer，同話左我個email 同電話俾佢地。
我未見過個三個programmer，心諗都未set 好software 嘅configure，都唔會俾佢地用住啦。
但下晝佢地其中一個竟然咁快打俾我，好笑嘅野就發生了! 令我當堂冇咁悶。
電話見到係叫阿sue
sue﹕「喂，唔該Jackie 呀。」
我﹕「係，有乜事呢。」
sue﹕「你同阿華係咪話新起左幾部server 嘅，佢地駁唔到去另一部testing機度呀。」
我﹕「哦，可能firewall 定route 未開到姐，你俾個IP address 我試下? 唔得我可以問下network team 同事。」
sue﹕「下，IP address?」
我﹕「係呀，IP address 呀，部testing 機IP address 呀……..」
sue﹕「好似係 dkbp …… 」
我﹕「下，IP address 喎!」
sue﹕「係呀，dkb …. 」
我﹕「唔係host name 喎，姐姐…..」
我語氣重左d ，但希望佢明啦，唔好睇錯呀嘛。
sue﹕「真係 dkb …. 」
@!@#$!@#@%
我真係俾佢激死。
我﹕「其實IP address 係數字呢架喎。邊可能係英文字呀……」
sue ﹕「係? …… 等我查下先……」
真係令我驚訝，大佬，做IT 點會唔知 IP address 係數字呀!連做護士0既曉菁都曉話佢isp 個ip 俾我知啦!
阿華離遠聽到我同人傾電話，就走過黎。(可能佢剛炒完股。)
阿華﹕「咦? 邊個打俾你呀?」
我﹕「叫呀sue，應該係 application 個邊掛。」
阿華笑笑口，好似知乜事咁。
阿華﹕「哈，佢呀，係慒下慒下架，講幾次都唔明個d 人。」
我﹕「下，佢連IP address 都好似唔知係乜黎。」
阿華﹕「咁搞野! 不過……唉，話你知呢度好多人都係咁架，做左十幾年都係咁架!」
我﹕「下……」
阿華﹕「阿sue 係之前 data entry 個d ，轉左去做app team testing 個邊，但年資都算高做埋assistant manager。 所以就算佢唔識，你咪教訓人咁0既語氣話人呀。」
我﹕「嘩……好彩你提下，我都忟忟地。」
呢個時候阿強走埋過黎，係阿華後面閃出。
阿強﹕「喂，我叫左佢地三個人造人上黎呀，介紹俾你識啦。」
心諗阿強所指0既，應該個三個programmer，但點解叫做人造人?
阿文係隔黎，聽到阿強話三個人造人上黎，笑笑口講。
阿文﹕「嘩，你地咪叫佢地係我個partition 講啦，走過黎吸能源呀……」
阿華阿強又兩個笑一笑，冇理佢，再講。
阿華﹕「得啦，叫佢地去我地位囉。」
阿強同我打個眼色，右手指指自己個partition ，叫我過一過去佢個邊。
我跟住去佢partition 度，埋到阿華個位時，隔黎突然有個人對個頭出黎。
正是哨牙cherry !!!
當然佢地都好多時溝亂去做，只係主要分工係咁。
而呢個小project ，其他大野分家出黎，公司自然一兩個人仔resource 就算。
你可能唔明咩係online 、batch ，或者遲下再解說。
而我都係當時先開始識得banking 的各project 的運作。
cherry﹕「喂，你三個人造人上黎又搞乜野呀。….. 吸我地team mate 能源呀…….哈哈!」
Leon﹕「頂你，收皮啦蘭西，做自己野啦 !!! …… 不過我都知你冇野做架啦。」
估唔到19 號人造人冇乜架子。佢呢個位都算係leader 級，但都笑笑口同cherry 玩咁。
對比起以前d 老細 manager ，板起個樣同人講野係兩回事，咁樣做同事又幾親切。
呢d 同事間有講有笑，可能因為壓力冇咁大吧。
cherry 依然冇乜理佢咁講，繼續望住我地講野。
心諗你個哨牙妹，收番個頭入去啦，好樣衰呀。
然而19 號都冇再理佢，拉幾將櫈一齊圍埋傾project。
原來呢個只係好細part 仔o既project，唔怪得幾丁友做。
證券買賣好多種大家都知，又股票、又衍生工具咁。
而呢part 仔只係處呢間公司開發o既窩輪，同ccass 對下數咁解。 真正做deal 個面都係ccass。
呢一刻同中小企俾老細lead 住做好唔同。
我地圍埋傾，佢地 app team 會問我地意見，例如做唔做到咁，預視下有乜問題。
當然我地講出口o既，都要做得到，或者解釋到。
對我黎講，傾project 參與下討論，先覺得有番份專重，pro 少少0既感覺。 唔係指指點點，俾人任舞去做乜就做乜。
另外，同人傾野都要學，唔係攻一範 technical 咁簡單就掂。
點去說服人用你個套，減少自己工作或者避免預見0既危險，都係有個法子，呢d 唔好期望睇下書、上下堂就學到。
相關文章:
IT 之悲劇：IT 人的命運
IT 之悲劇 – 沒有節日的 IT 人
IT 之悲劇 – 年少傻豬
IT 之悲劇 – 第三章 – 「初出茅廬」(1)
IT 之悲劇 – 第三章 – 「初出茅廬」(2)
IT 之悲劇 – 第四篇 – 「雞工年代」(1)
IT 之悲劇 – 第四篇 – 「雞工年代」(2)
IT 之悲劇 – 第五篇 – 「窮忙都市」(1)
IT 之悲劇 – 第五篇 – 「窮忙都市」(2)
IT 之悲劇 – 第五篇 – 「窮忙都市」(3)
IT 之悲劇 – 第五篇 – 「窮忙都市」(4)
IT 之悲劇 – 第六篇 –「人生需要 init 6」(1)
IT 之悲劇 – 第六篇 –「人生需要 init 6」(2)
IT 之悲劇 – 第六篇 －「人生需要 init 6」(3)
